SNJÓR

í desember sýndi Guðný Magnúsdóttir verk sitt Snjó í Hafnaborg í Hafnarfirði.

Sýningin var opin til 30. desember

Mynd hugtaks og forms
efni í höndum hnoðað og mótað,
síhverfult
aldrei fullgert

Leirinn hefur loðað við hendur mínar langan aldur og ævinlega verið mér uppspretta nýrra möguleika og tjáningar í formi.  Að gera skál að skúlptúr, skúlptúr að skál, formgera vind, snjókomu, snjóskafl í brenndum leir – ekkert er ómögulegt og áskorunin er mér mikilvæg.  Að takast á við viðfangsefni á mörkum myndlista og handverks, hins huglæga og þess efnislega, að vera síleitandi, er leiðarljós sem ég vona að hverfi mér aldrei.  Svona er leirinn, snjórinn, lífið – síbreytilegt, á stöðugri hreyfingu, alltaf nýtt...

GMM 22.11.2006