“Skál, skúlptúr, vasi, er yfirskrift sýningar Guðnýjar Magnúsdóttur í Listasafni ASÍ og lýsir það vel þeim flóknu umbreytingum sem hafa orðið í leirlistinni hér á Íslandi, ekki síður en þeim fínlegu blæbrigðum sem sjá má í verkum Guðnýjar sjálfrar. Hér er unnið í stórum skala og stöku einingum raðað saman í stóra myndræna heild.”
“Gígarnir sex annarsvegar og skaflrnir mörgu á veggnum mynda saman þá mótsagnakenndu tvennu sem helst einkennir íslensku náttúru – eld og ís – en hér verður það ekki að klisju að tefla þeim saman vegna þess hve fínlega og yfirvegað hún hefur unnið úr viðfangsefninu.”
“Í heild er sýningin ákaflega falleg og formhrein. Agaða hugsun og næmt auga listamannsins má greina í hverju verki og jafnframt skýra tilfinningu fyrir heildarmyndinni.”

Morgunblaðið 12.febr. 2000
Jón Proppé