Ný verk eru til sýnis og sölu í Stúdíó Úmbru Lindargötu 14.
Vinsamlegast leitið upplýsinga um opnunartíma með því að hafa samband í síma.  892 3188

“Form landsins eru nakin og sýnileg, litirnir eru blæbrigða miklir, heitir dimmir jarðlitir mynda andstæður við svala bláa liti hafs og himins. Svo sterkar andstæður umhverfisins láta engan ósnortinn og hafa haft afgerandi áhrif á listsköpun mína.
Verk mín eru unnin út frá tilfinningum tengdum formum náttúrunnar. Ég reyni að fanga dulúð hennar, veðrun vinda og vatns á hart efnið og þess galdurs sem mér finnst búa í efninu sjálfu. Ferill sköpunar í leir er fyrir mér einskonar samspil hugmyndar og efnisins.
Ánægulegt er að sjá formin vaxa og finna þau bera vitni galdurs lifandi, skapandi handa.
Vitneskjan um að andinn sé sterkari efninu hvetur mig til að skapa list í leir.”